ТОШКЕНТ, 25 май. /"Дунё" АА/. Ўзбекистон ташқи ишлар вазири Бахтиёр Саидов бугун Покистон Сенати аъзоси, Бош вазир ўринбосари ва ташқи ишлар вазири Муҳаммад Исъҳоқ Дар билан телефон орқали мулоқот қилди, деб хабар бермоқда "Дунё" АА мухбири.

"Покистон Республикаси Сенатори, Бош вазир ўринбосари ва ташқи ишлар вазири Муҳаммад Исъҳоқ Дар жаноблари билан телефон орқали мулоқот қилдик, – деб ёзди Ўзбекистон ТИВ раҳбари ўзининг телеграм каналида. – Ташқи ишлар вазирликлари Раҳбарларимиз ўртасида эришилган барча келишувларни ўз вақтида амалга ошириш йўлида яқин ҳамкорликни давом эттиришини таъкидладик.

Икки томонлама алоқаларни мустаҳкамлаш, ўзаро савдони фаоллаштириш ва минтақавий боғлиқликни ривожлантириш, жумладан, Ўзбекистон-Афғонистон-Покистон темир йўли лойиҳасини муҳокама қилдик.

"Дунё" АА архивидан олинган сурат