O‘zbekiston tashqi ishlar vaziri va Qatar elchisi bo‘lajak ikki tomonlama tadbirlar rejasini muhokama qildi
Iyul 17, 2026. 21:20 • 2 daq
• 152
TOSHKENT, 17-iyul. /“Dunyo” AA/. O‘zbekiston tashqi ishlar vaziri Baxtiyor Saidov Qatar elchisi Hasan bin Hamza Hoshimni qabul qildi, deb xabar bermoqda “Dunyo” AA muxbiri.
“Qatar Davlatining mamlakatimizdagi elchisi, janob Hasan bin Hamza Hoshimni qabul qildik”, – deb yozdi O‘zbekiston TIV rahbari o‘zining telegram-kanalida. – O‘zbekiston va Qatar o‘rtasidagi strategik sheriklik munosabatlarini yana-da mustahkamlash, oliy darajadagi muloqotlar doirasida erishilgan kelishuvlarni izchil amalga oshirish masalalarini muhokama qildik.
Savdo-iqtisodiy, investitsiyaviy, transport-logistika, energetika, turizm va madaniy-gumanitar yo‘nalishlardagi hamkorlikni kengaytirish istiqbollari yuzasidan fikr almashdik.
Shuningdek, bo‘lajak ikki tomonlama tadbirlar jadvali hamda xalqaro tashkilotlar doirasidagi hamkorlikning dolzarb jihatlarini ko‘rib chiqdik.
Elchi O‘zbekiston Prezidenti Shavkat Mirziyoyev Janobi Oliylarining Qatar Davlati sobiq Amiri Shayx Hamad bin Xalifa Ol Soniy Hazrati Oliylarining vafoti munosabati bilan yaqinda Doha shahriga tashrif buyurib, shaxsan bildirgan hamdardligi va taʼziyasi uchun Qatar tomonining samimiy minnatdorligini yetkazdi”.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Ashxobodda O‘zbekiston va Turkmaniston tashqi ishlar vazirlari rahbarligida ikki tomonlama siyosiy maslahatlashuvlarning navbatdagi davrasi bo‘lib o‘tdi
