Тошкентда сунъий интеллект этикаси форуми ўтказилади
Март 12, 2026. 13:00 • 2 дақ
• 318
ТОШКЕНТ, 19 март. /“Дунё” АА/. Ўзбекистоннинг ЮНЕСКО ҳузуридаги Доимий ваколатхонаси ташаббуси билан сунъий интеллект этикасини такомиллаштириш бўйича онлайн суҳбат ташкил этилди, деб хабар бермоқда “Дунё” АА мухбири.
Тадбирда Ўзбекистон томонидан Рақамли технологиялар вазирлиги ҳамда юртимизнинг ЮНЕСКО ҳузуридаги Доимий ваколатхонаси вакиллари иштирок этди.
ЮНЕСКОдан Тадқиқотлар, этика ва инклюзия бўлими директори вазифасини бажарувчи Дафна Файнхольц ва Ижтимоий-гуманитар фанлар сектори бошлиғи Мариаграция Сквиччарини қатнашди.
Мулоқот давомида 2026 йил сентябрь ойида Тошкентда сунъий интеллект этикаси бўйича халқаро экспертлар форумини ташкил этиш масалалари муҳокама қилинди.
Ушбу халқаро форумни Ўзбекистонда ўтказиш ташаббуси илк бор 2025 йил Самарқанд шаҳрида бўлиб ўтган ЮНЕСКО Бош конференцияси 43-сессияси Ўзбекистон Президенти томонидан билдирилган эди.
Томонлар сунъий интеллектни ривожлантириш ва қўллашнинг техник ва ахлоқий жиҳатлари бўйича фикр алмашди. Ўзбекистон томони ушбу йўналишда ЮНЕСКО билан мазмунли ва амалий йўналтирилган ҳамкорликни йўлга қўйишдан манфаатдор эканини таъкидлади.
Учрашув якунида томонлар конструктив мулоқотни давом эттириш, Ўзбекистон ва ЮНЕСКО ўртасида сунъий интеллектни ривожлантириш соҳасидаги ҳамкорликни кенгайтиришга келишиб олди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Барчаси
